სიმბოლურია, რომ კანონპროექტის დამტკიცება და საქართველოსთვის ევროკავშირის წევრობის კანდიდატის სტატუსის მინიჭება ერთდროულად მოხდა, – ასე ეხმაურება ფოთის მერი ბექა ვაჭარაძე პარლამენტის მიერ საკონტეინერო მოსაკრებლის შესახებ კანონის მიღებას.

“გილოცავთ! საკონტეინერო მოსაკრებლის შესახებ კანონი მიღებულია! მოსაკრებლიდან მიღებული შემოსავალი სრულად დარჩება ქალაქის ბიუჯეტში!

ნიკოს ქალაქი ნიკოს ტრადიციებს მიჰყვება!

სიმბოლურია, რომ კანონპროექტის დამტკიცება და საქართველოსთვის ევროკავშირის წევრობის კანდიდატის სტატუსის მინიჭება ერთდროულად მოხდა.

მადლობას ვუხდი საქართველოს პრემიერ-მინისტრს, ჩვენს მთავრობას, საპარლამენტო გუნდს და განსაკუთრებული მადლობა ჩვენს ღირსეულ ხმას პარლამენტში გიორგი ხახუბიას!” – წერს ფოთის მერი სოციალურ ქსელში.