ზუგდიდის ბოტანიკურ ბაღს კიდევ ერთი ახალი ხეივანი-თაღედი შეემატა. ვარდების ხეივანი-თაღედი მოეწყო I სექტორის მე-40 და 41-ე თარგებს შორის მდებარე ბილიკზე.

„აღნიშნულ ლოკაციაზე 28 სახეობის 56 ერთეული სხვადასხვა ფერის ხვიარა ვარდები დაირგო.

ვარდების ხეივანი აამაღლებს ბოტანიკური ბაღის ცნობადობას და გაზრდის ოჯახურ გარემოში კომფორტულად დასვენების მსურველი ვიზიტორების რაოდენობას.“ – წერია ზუგდიდის ბოტანიკური ბაღის მიერ გავრცელებულ განცხადებაში.