ჩემთვის დიდი პატივია მმართველი პარტიის – „ქართული ოცნება – დემოკრატიული საქართველოს“ მხრიდან ნდობის გამოცხადება და მეორედ წარდგენა აბაშის მუნიციპალიტეტის მერობის კანდიდატად.

მადლობა საქართველოს პრემიერ-მინისტრს, ბატონ ირაკლი კობახიძეს და „ქართული ოცნების” გუნდს ნდობისთვის.

ეს არის პასუხისმგებლობა, ვალდებულება, გუნდთან და ჩვენს მოქალაქეებთან ერთად გავაგრძელოთ ძლიერი და კიდევ უფრო განვითარებული მუნიციპალიტეტის შენება.

თითოეულ აბაშელთან და ,,ქართული ოცნება – დემოკრატიული საქართველოს“ დიდ და ძლიერ გუნდთან ერთად კიდევ ერთხელ დავამტკიცებთ, რომ გამოცდილება, ერთგულება და საქმე ყოველთვის იმარჯვებს.

ჩვენ საქართველოს მთავრობის მხარდაჭერით არაერთი მნიშვნელოვანი პროექტი განვახორციელეთ აბაშის მუნიციპალიტეტში, დარწმუნებული ვარ, რომ წინ კიდევ უფრო მეტი ახალი შესაძლებლობა და წარმატება გველოდება!

მშვიდობა საქართველოს
მეტი განვითარება აბაშას