ხობის ცენტრალურ პარკში ახალგაზრდობის საერთაშორისო დღისადმი მიძღვნილი ღონისძიებების ფარგლებში მუნიციპალიტეტის საჯარო და კერძო სკოლების წარჩინებულ მოსწავლეთა დაჯილდოება გაიმართა.

მოსწავლეებს სკოლის ოქროსა და ვერცხლის მედლებზე დამთავრება ხობის მუნიციპალიტეტის მერმა, დავით ბუკიამ, საკრებულოს თავმჯდომარემ, ლევან ქავთარაძემ და საგანმანათლებლო რესურსცენტრის უფროსმა, ანა არაბულმა მიულოცეს.

ხობის მუნიციპალიტეტის საჯარო და კერძო სკოლების 2024-2025 წლების 65 კურსდამთავრებული გახდა ოქროს და ვერცხლის მედალოსანი. მათ შორის ოქროს მედალოსანია 57, ხოლო ვერცხლის – 8 მოსწავლე.

„ხობის მუნიციპალიტეტში განათლების ხელშეწყობის მუნიციპალური პროგრამის“ ფარგლებში თითოეულ წარმატებულ მოსწავლეს ადგილობრივი ბიუჯეტიდან პირად ანგარიშზე ფულადი ჯილდო ჩაერიცხათ.

საღამო ანდრია გველესიანისა და ბენდის კონცერტით გაგრძელდა; რომლის დასრულების შემდეგაც სცენა DJ OTO-მ დაიკავა.

ახალგაზრდობის საერთაშორისო დღისადმი მიძღვნილი ღონისძიებები ხობის მუნიციპალიტეტის მერიის და „ხობის მუნიციპალიტეტის კულტურულ-საგანმანათლებლო საზოგადოებრივი ცენტრის“ ორგანიზებით ჩატარდა.